គណៈប្រតិភូខេត្តឧត្តរមានជ័យ អញ្ជើញគោរពវិញ្ញាណក្ខន្ធសព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ក្នុងឱកាសដ៍ក្រៀមក្រំចំពោះមរណភាពរបស់ ឯកត្តម អ្នកអ្នកញ៉ា ឧត្តមមេត្រីវិសិដ្ឋ ហ៊ុន សាន ហើយកំពុងតម្កល់ធ្វើបុណ្យតាមប្រពៃណីជាតិខ្មែរ និងប្រពៃណីសាសនា, នៅថ្ងៃទី៣១ ខែមីនា ឆ្នាំ២០២៥, គណប្រតិភូខេត្តឧត្តតមានជ័យ ដឹកនាំដោយឯកឧត្តម មាន ចាន់យ៉ាដា អភិបាលនៃគណៈអភិបាលខេត្ត បានអញ្ជើញគោរពវិញ្ញាណក្ខន្ធសព ឯកឧត្តម អ្នកញ៉ាឧត្តមមេត្រីវិសិដ្ឋ ហ៊ុន សាន ត្រូវជាបងប្រុសច្បងរបស់ សម្តេចតេជោ ហ៊ុន សែន ប្រមុខរដ្ឋស្ដីទី នៃព្រះរាជាណាចក្រកម្ពុជា។

ស្ថិតក្នុងឱកាសដ៏សែនសោកសៅបំផុតនេះ គណៈប្រតិភូខេត្តឧត្តរមានជ័យបានចូលរួមរំលែកមរណទុក្ខ និងសម្ដែងនូវសេចក្តីសោកស្ដាយអាឡោះអាល័យជាទីបំផុតជាមួយ សម្តេចអគ្គមហាសនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសារ នៃសពចំពោះការបាត់បង់ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន រដ្ឋលេខាធិការក្រសួងសាធារណការ និងដឹកជញ្ជូន ដែលជាការបាត់បង់នូវបងប្រុសបង្កើត បងថ្លៃ ឪពុកបង្កើត ឪពុកក្មេក ឪពុកធំ និងជីតាមួយរូប ជាទីគោរពស្រលាញ់ប្រកបដោយព្រហ្មវិហារធម៌ និងទឹកចិត្តសន្តោសប្រណីដ៏ថ្លៃថ្លាបំផុតចំពោះប្អូនៗ កូនៗ ក្មួយៗ ចៅៗ ព្រមទាំងជាអ្នកមានគុណ អប់រំណែនាំ ផ្តល់នូវ ភាពកក់ក្ដៅ និងចិញ្ចឹមបីបាច់ថែរក្សាបុត្រា បុត្រី និងចៅៗ ឱ្យក្លាយជាពលរដ្ឋល្អក្នុងសង្គមជាតិ។