គណៈប្រតិភូគណៈកម្មាធិការសាខាគណបក្ស(ខ១១)នៃគណៈកម្មាធិការគណបក្សខុទ្ទុកាល័យសម្តេចមហាមបវរធិបតីហ៊ុនម៉ាណែត គោរពវិញ្ញាណក្ខន្ធ សព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ក្នុងឱកាសចូលរួមរំលែកមរណទុកដ៍ក្រៀមក្រំជាមួយក្រុមគ្រួសារ សពឯកត្តម អ្នកអ្នកញ៉ាឧត្តមមេត្រីវិសិដ្ឋហ៊ុនសាន ដែលកំពុងតម្កល់ធ្វើបុណ្យ តាមប្រពៃណី នៅគេហដ្ឋាននោះ គណៈប្រតិភូគណៈកម្មាធិការសាខាគណបក្ស(ខ១១) នៃគណៈកម្មាធិការ គណបក្សខុទ្ទុកាល័យសម្តេចមហាមបវរធិបតី ហ៊ុន ម៉ាណែត ដឹកនាំដោយលោកហេង សំណាង បានអញ្ជើញគោរពវិញ្ញាក្ខន្ធ សពឯកឧត្តមអ្នកញ៉ាឧត្តមមេត្រីវិសិដ្ឋ ហ៊ុន សាននៅរសៀលថ្ងៃទី៣១ ខែមីនា ឆ្នាំ២០២៥។

ក្នុងវេលាពោរពេញដោយសមានទុក្ខនេះ គណៈប្រតិភូគណៈកម្មាធិការសាខាគណបក្ស(ខ១១) នៃគណៈកម្មាធិការ គណបក្សខុទ្ទុកាល័យ សម្តេចមហាមបវរធិបតី ហ៊ុន ម៉ាណែត បានសម្តែងងក្តីរន្ធត់សោកសង្រេងចំពោះមរណភាព ឯកឧត្តមអ្នកឧកញ៉ា ឧត្តមមេត្រីវិសិដ្ឋហ៊ុនសាន រដ្ឋលេខាធិការ ក្រសួងសាធា  រណការ និងដឹកជញ្ជូន និងបានចាត់ទុកមរណភាពនេះ មិនត្រឹមតែជាការបាត់បង់នូវ បងប្រុស ឪពុកឪពុកក្មេក និងជីតាជាទីគោរពស្រឡាញ់ប្រកបដោយព្រហ្មវិហារធម៌សម្រាប់ក្រុមគ្រួសារប៉ុណ្ណោះទេ ប៉ុន្តែគឺជាការបាត់បង់នូវឥស្សរជនដ៏ឆ្នើមមួយរូប របស់ជាតិ ដែលបានលះបង់កម្លាំងកាយចិត្ត និងប្រាជ្ញាស្មារតីពុះពារមិនខ្លាចនឿយហត់ ប្រកបដោយឆន្ទៈមនសិការស្នេហាជាតិ ក្នុងការបម្រើ ជាតិ សាសនា ព្រះមហាក្សត្រ ពិសេស ឯកឧត្តមអ្នកឧកញ៉ាឧត្តមមេត្រីវិសិដ្ឋ បានបំពេញភារកិច្ច យ៉ាងសកម្ម ក្នុងការលើកកម្ពស់វិស័យសាធារណការ និងដឹកជញ្ជូនរហូត សម្រេចបាន សមិទ្ធផលដ៏ធំធេងជាច្រើន ដែលជាការចូលរួមយ៉ាង

សំខាន់ជាមួយរាជរដ្ឋាភិបាល ក្នុងការកសាង និង អភិវឌ្ឍប្រទេសជាតិ ឱ្យទទួលបាននូវការរីកចម្រើនគួរជាទីមោទនៈ ។

ក្នុងវេលាដ៏ក្រៀមក្រំបំផុតនេះដែរ គណៈប្រតិភូគណៈកម្មាធិការសាខាគណបក្ស(ខ១១) នៃគណៈកម្មាធិការ គណបក្សខុទ្ទុកាល័យ សម្តេចមហាមបវរធិបតី ហ៊ុន ម៉ាណែត សូមចូលរួមរំលែកនូវសេចក្តីទុក្ខព្រួយ ជាមួយសម្តេច ឯកឧត្តម លោកជំទាវ ព្រមទាំងក្រុមគ្រួសារ និងសូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តមអ្នកឧកញ៉ាឧត្តមមេត្រីវិសិដ្ឋហ៊ុនសានសូមបានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ ។