គណៈប្រតិភូបញ្ជាការដ្ឋានកាំភ្លើងធំអគ្គបញ្ជាការ គោរពវិញ្ញាណក្ខន្ធឯកត្តមអ្នកញ៉ាឧត្តមមេត្រីវិសិដ្ឋ ហ៊ុន សាន

ក្នុងឱកាសចូលរួមរំលែកមរណទុកដ៍ក្រៀមក្រំជាមួយក្រុមគ្រួសារ សពឯកត្តម អ្នកអ្នកញ៉ាឧត្តមមេត្រីវិសិដ្ឋហ៊ុនសាន ដែលកំពុង តម្កល់ធ្វើបុណ្យ តាមប្រពៃណី នៅគេហដ្ឋាននោះ គណៈប្រតិភូបញ្ជាការដ្ឋានកាំភ្លើងធំអគ្គបញ្ជាការ ដឹកនាំដោយ ឯកឧត្តមនាយឧត្តមសេនីយ៍ សាស្ត្រាចារ្យបណ្ឌិត ណុប រតនា អគ្គមេបញ្ជាការរងនៃកងយោធពលខេមរភូមិន្ទ និងជា មេបញ្ជាការ បញ្ជាការដ្ឋានកាំភ្លើងធំ អគ្គបញ្ជាការ អញ្ជើញគោរពវិញ្ញាក្ខន្ធ សពឯកឧត្តមអ្នកញ៉ាឧត្តមមេត្រី វិសិដ្ឋ ហ៊ុន សាន នៅព្រឹកថ្ងៃទី៣០ខែ មីនា ឆ្នាំ២០២៥។

ក្នុងវេលាពោរពេញដោយសមានទុក្ខនេះ គណៈប្រតិភូបញ្ជាការដ្ឋានកាំភ្លើងធំ អគ្គបញ្ជាការ បានសម្តែង សេចក្តីសោកសង្រេងស្រណោះអាឡោះអាល័យរកទីបំផុតគ្មាននិងចូលរួមរំលែកមរណទុក្ខដ៏ក្រៀមក្រំជាទីបំផុតដោយបានចាត់ទុកមរណភាព របស់ ឯកឧត្តម អ្នកឧកញ៉ា គឺជាការបាត់បង់ឥស្សរជនដ៏ឆ្នើមមួយរូប និងជាការ បាត់បង់នូវ បងប្រុសបង្កើត ឪពុកបង្កើត ឪពុកក្មេក ឪពុកធំ ជីតាជាទីគោរពស្រលាញ់ដ៏ជ្រាលជ្រៅ បំផុតប្រកបដោយព្រហ្មវិហារធម៌ គុណធម៌ និងទឹកចិត្តសណ្តោសប្រណីមេត្តាធម៌ ដែលក្នុងឆាកជីវិតរបស់ ឯកឧត្តម អ្នកឧកញ៉ា បានខិតខំតស៊ូពុះពារចិញ្ចឹម បីបាច់ ថែរក្សា និងអប់រំទូន្មានបុត្រធីតា រហូតក្លាយជាធនធានមនុស្សដែលមានគុណតម្លៃ ក្នុងការចូលរួមចំណែកបម្រើ កសាងនិងអភិវឌ្សសង្គមជាតិ។ ឯកឧត្តម អ្នកឧកញ៉ា ជាកុលបុត្រកម្ពុជា ដ៏ឆ្នើមដែលបានបំពេញ បេសកកម្ម ដ៏ឧត្តុង្គឧត្តមប្រកបដោយ មនសិការជាតិនិងគតិបណ្ឌិតឈ្លាសវៃជាមួយនឹងបទពិសោធដ៏ប៉ិនប្រសប់ក្នុងការរួមចំណែកយ៉ាងសកម្ម ក្នុងដំណើរការស្ថាបនាស្តារ និងអភិវឌ្ឍប្រទេសជាតិ ឱ្យបានរីកចម្រើន និងបានបរិច្ចាគកម្លាំងកាយចិត្ត និងទ្រព្យធន ចូលរួមកសាងសមិទ្ធផល ជាច្រើន ជូនសង្គមជាតិ។ គណៈប្រតិភូបញ្ជាការដ្ឋាន កាំភ្លើងធំអគ្គបញ្ជាការ សូមបួងសួងដល់គុណបុណ្យ ព្រះរតនត្រ័យកែវទាំងបី បារមីនៃវត្ថុស័ក្តិសិទ្ធិក្នុងលោក សូមជួយប្រោះព្រហ្មគ្រងរក្សាដួងវិញ្ញាណក្ខន្ធ ឯកឧត្តម អ្នកឧកញ៉ា ឧត្តម មេត្រីវិសិដ្ឋ ហ៊ុន សាន បានទៅកាន់ឋានបរមសុខកុំបីឃ្លៀងឃ្លាតឡើយ។