គណៈប្រតិភូរដ្ឋបាលរាជធានីភ្នំពេញ អញ្ជើញគោរពវិញ្ញាណក្ខន្ធសពឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ក្រុមប្រឹក្សា គណៈអភិបាល មន្ត្រីរាជការ កងកម្លាំង និងប្រជាពលរដ្ឋទាំងអស់ក្នុងរាជធានីភ្នំពេញ បានបង្ហាញក្តីរន្ធត់ចិត្តឥតឧបមា និងសេចក្តីក្រៀមក្រំជាពន់ពេក រកអ្វីប្រៀបផ្ទឹមពុំបានចំពោះមរតណភាពរបស់ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ប៊ុន សាន រដ្ឋលេខាធិការក្រសួងសាធារណការ និងដឹកជញ្ជូន ត្រូវជាបងប្រុសបង្កើតរបស់ សម្តេចអគ្គមហាសនាបតីតេជោ ប៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា។

ដោយសម្តែងនូវក្តីសោកស្តាយស្រណោះអាឡោះអាល័យយ៉ាងក្រៃលែងចំពោះការបាត់បង់ ឯកឧត្តមអ្នកឧកញ៉ាឧត្ដមមេត្រីវិសិដ្ឋ ហ៊ុន សាន, នៅថ្ងៃទី២៨ ខែមីនា ឆ្នាំ២០២៥, គណៈប្រតិភូរដ្ឋបាលរាជធានីភ្នំពេញ ដឹកនាំដោយ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានចូលរួមគោរពវិញ្ញាណក្ខន្ធសពឯកឧត្តមអ្នកឧកញ៉ាឧត្ដមមេត្រីវិសិដ្ឋ ហ៊ុន សាន ដែលបានទទួលមរណភាពនៅថ្ងៃសុក្រ ១៥រោច ខែផល្គុន ឆ្នាំរោង ឆស័ក ពស២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥ វេលាម៉ោង ២និង២៧ នាទីទៀបភ្លឺ ដោយរោគាពាធ ក្នុងជន្មាយុ ៧៨ឆ្នាំ។

គណៈប្រតិភូរដ្ឋបាលរាជធានីភ្នំពេញ បានសម្ដែងលំឱនកាយគោរព និងចាត់ទុកមរណភាពរបស់ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ប៊ុន សាន គឺជាការបាត់បង់ដ៏ធំធេងនូវបងប្រុសបង្កើត ឪពុកបង្កើត ឪពុកក្មេក ជីតា ជីតាទួត និងញាតិមិត្តដ៏ឧត្ដុង្គឧត្តម ប្រកបទៅដោយព្រហ្មវិហារធម៌ ការសណ្តោសប្រោសប្រណី និងជាការបាត់បង់នូវ ឥស្សរជនជាន់ខ្ពស់ដ៏ឆ្នើមមួយរូប ប្រកបដោយគតិបណ្ឌិតឈ្លាសវៃ និងបទពិសោធន៍ដ៏ប៉ិនប្រសប់ ដែលបានរួមចំណែកយ៉ាងសកម្ម ក្នុងដំណើរការស្ដា កសាង និងអភិវឌ្ឍប្រទេសជាតិ គូរជាទីគោរពដ៏ខ្ពង់ខ្ពស់ ជាពិសេសស្ទើរតែពេញមួយជីវិត ឯកឧត្តមអ្នកឧកញ៉ បានលះបង់កម្លាំងកាយ ចិត្ត និងប្រាជ្ញាស្មារតី ព្រមទាំងបរិច្ចាគទ្រព្យធនដោយសទ្ធាជ្រះថ្លាដ៏ជ្រាលជ្រៅបំផុត ក្នុងការចូលរួមកសាង សមិទ្ធផលនានាជាច្រើន សម្រាប់ជាឧត្តមប្រយោជន៍របស់សង្គមជាតិ ទាំងក្នុងវិស័យអាណាចក្រ និងវិស័យពុទ្ធចក្រ គួរឱ្យកោត សរសើរស្ញប់ស្ញែងយ៉ាងក្រៃលែងជាទីបំផុត។

ស្ថិតក្នុងក្ដីវិយោគដ៏សែនសោកសង្រេងខ្សឹកខ្សួលរំជួលចិត្តឥតឧបមានេះ, គណៈប្រតិភូរដ្ឋបាលរាជធានីភ្នំពេញ បានសម្ដែងនូវការគោរពអនុញ្ញាតចូលរូម រំលែកទុក្ខ ប្រកបដោយសេចក្តីក្តុកក្តួលជាទីបំផុតគោរពជូនចំពោះ សម្តេចតេជោ និងសម្តេចកិតិ្តព្រឹទ្ធបណ្ឌិត ព្រមទាំងក្រុម គ្រួសារជាទីគោរពដ៏ខ្ពង់ខ្ពស់បំផុត ព្រមទាំងបានវន្ទាឧទ្ទិសបួងសួងដល់ដួងវិញ្ញាណក្ខន្ធរបស់ ឯកឧត្តមអ្នកឧកញ៉ា ឧត្តមមតី វិសិដ្ឋ ប៊ុន សាន សូមបានចាប់បដិសន្ធិក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕