ថ្ងៃអាទិត្យទីក្រុង New Delhi របស់ឥណ្ឌាជួបគ្រោះក្នុងហេតុការណ៍មនុស្សរត់ជាន់គ្នា នៅស្ថានីយ៍រថភ្លើងដោយបញ្រ្ជៀតគ្នាទៅកាន់ពិធីបុណ្យសាសនាដ៏ធំ! ស្រាប់តែព្រលឹមថ្ងៃច័ន្ទនេះ New Delhi រងគ្រោះរញ្ជួយដីទៀត

មន្ត្រីម្នាក់បាននិយាយថា យ៉ាងហោចណាស់មនុស្ស ១៥ នាក់បានស្លាប់នៅក្នុងហេតុការណ៍រត់ជាន់គ្នានៅស្ថានីយ៍រថភ្លើងមួយក្នុងរដ្ឋធានីញូវដេលីរបស់ប្រទេសឥណ្ឌា។ អភិបាលក្រុងប្រចាំផ្ទះរបស់ទីក្រុងដេលី លោក Atishi ដែលមានឈ្មោះតែមួយពាក្យនេះ បាននិយាយថាសពមនុស្សត្រូវបានគេនាំយកទៅកាន់មន្ទីរពេទ្យ Lok Nayak Jai Prakash Narain នៃរដ្ឋធានី។ ហេតុការណ៍រត់ជាន់គ្នាបានកើតឡើងកាលពីល្ងាចថ្ងៃសៅរ៍ ខណៈដែលមនុស្សរាប់ពាន់នាក់បានប្រមូលផ្តុំគ្នានៅស្ថានីយ៍រថភ្លើង New Delhi ហើយរង់ចាំឡើងរថភ្លើងទៅកាន់ទីកន្លែងប្រារព្ធពិធីបុណ្យ Maha Kumbh Hindu នៅភាគខាងជើងប្រទេសឥណ្ឌា។

នាយករដ្ឋមន្ត្រី Narendra Modi បាននិយាយថា លោកសូមសម្តែងនូវមរណទុក្ខយ៉ាងក្រៀមក្រំចំពោះហេតុការណ៍រត់ជាន់គ្នានេះ” ។ ខ្ញុំសូមបួងសួងឲ្យពួកគេស្ថិតនៅក្នុងបេះដូងរបស់ពួកយើងជានិច្ច និង ខ្ញុំពិតជាយល់អារម្មណ៍អ្នកដែលត្រូវបាត់បង់មនុស្សជាទីស្រលាញ់របស់ពួកគេថែមទៀតផង។ ខ្ញុំសូមបួងសួងឲ្យអ្នករបួសឆាប់ជាសះស្បើយ។ មិនតែប៉ុណ្ណោះលោកក៏បានបង្ហោះសារនៅលើបណ្តាញសង្គម X. ថារដ្ឋមន្ត្រីផ្លូវដែក Ashwini Vaishnaw បានបញ្ជាក់ហើយថាការស៊ើបអង្កេតមួយកំពុងត្រូវបានគេបញ្ជាឲ្យស្វែងរកមូលហេតុឲ្យឃើញចំពោះហេតុការណ៍រត់ជាន់គ្នានេះ។ លើសពីនេះមនុស្សយ៉ាងហោចណាស់មនុស្ស ៣០នាក់ផ្សេងទៀតបានស្លាប់នៅក្នុងហេតុការណ៍រត់ជាន់គ្នានៅឯទីតាំងប្រារព្ធពិធីបុណ្យរយៈពេល៦សប្តាហ៍រួចទៅហើយ កាលពីខែមុន បន្ទាប់ពីអ្នកកាន់សាសនាហិណ្ឌូរាប់សិបម៉ឺន រាប់លាននាក់បានប្រមូលផ្តុំគ្នាដើម្បីចូលជ្រមុជទឹកនៅក្នុងទឹកទន្លេដ៏ពិសិដ្ឋ ដើម្បីជម្រះបាបរបស់ពួកគេ។

បន្តមកនៅព្រឹកថ្ងៃច័ន្ទវេលាម៉ោង៥និង៣៦នាទីព្រឹកនេះ ទីក្រុង New Delhi ដដែលបានរងគ្រោះរញ្ជួយដីកម្រិត៤រ៉ិចទ័របន្ថែមទៀតបានវាយប្រហារទីក្រុងនេះទាំងព្រឹកព្រលឹមក្នុងជម្រៅ៥គីឡូម៉ែត្រ ត្រឹមប៉ុន្មាននាទីដ៏ខ្លីនេះបើយោងតាមមជ្ឈមណ្ឌលជាតិរញ្ជួយដី (NCS) ប៉ុន្តែវាបាន ធ្វើឲ្យផ្ទះរបស់ប្រជាពលរដ្ឋរង្គើ ហើយពលរដ្ឋជាច្រើននាក់រត់ចេញមកក្រៅទាំងភាពតក់ស្លុតដែរ៕

សម្រួលអត្ថបទ៖ ​សុផារិន្ទ