នាវាទេសចរណ៍ ឈ្មោះ BLUE DREAM MELODY សញ្ជាតិ LIBERIA ដែលមានប្រវែងបណ្តោយ ២០២,៥៨ ម៉ែត្រ ប្រវែងទទឹង ២៨,១ ម៉ែត្រ ជម្រៅ ៦,២ ម៉ែត្រ បានចូលចតនៅ កសស ដោយសុវត្ថិភាព ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម

នាវេលាម៉ោង ៧:៣០ នាទីព្រឹក ថ្ងៃសៅរ៍ ៧កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែធ្នូ ឆ្នាំ២០២៤ នាវាទេសចរណ៍ ឈ្មោះ BLUE DREAM MELODY សញ្ជាតិ LIBERIA ដែលមានប្រវែងបណ្តោយ ២០២,៥៨ ម៉ែត្រ ប្រវែងទទឹង ២៨,១ ម៉ែត្រ ជម្រៅ ៦,២ ម៉ែត្រ បានចូលចតនៅ កសស ដោយសុវត្ថិភាព ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសវៀតណាម។ នាវាទេសចរណ៍នេះ មាននាវិកសរុបចំនួន ២៩១ នាក់ (ស្រី ១០២ នាក់) មាន ០៧ សញ្ជាតិ និងមានភ្ញៀវទេសចរណ៍សរុបចំនួន ៤៩០ នាក់ (ស្រី ២៥៦ នាក់) មាន ០៤ សញ្ជាតិ។ ចំនួនសញ្ជាតិដែលមានភ្ញៀវច្រើនជាងគេ គឺចិន (៤៧៨ នាក់) ហុងកុង (០៦ នាក់) និងសហរដ្ឋអាមេរិក (០៥ នាក់) ហើយនាវាទេសចរណ៍នេះ នឹងចាកចេញទៅប្រទេសថៃ នៅវេលាម៉ោង ១៨:០០ នាទីល្ងាចនៅថ្ងៃដដែល។