បាតុករប៉ាឡែស្ទីននៅតំបន់ GAZA បានងើបឡើងបង្ហាញកំហឹងចំពោះក្រុម Hamas ឲ្យបញ្ឈប់សង្រ្គាមជាមួយអ៊ីស្រាអែលតទៅទៀត! ព្រោះថាអ្នករងគ្រោះពិតប្រាកដ គឺជនស៊ីវិលរាប់ពាន់នាក់ 

ប្រជាជនប៉ាឡេស្ទីនរាប់ពាន់នាក់បានដើរដង្ហែរជាក្បួននៅចន្លោះទីក្រុងដែលរងការបំផ្លិចបំផ្លាញយ៉ាងធ្ងន់ធ្ងរនៅភាគខាងជើងតំបន់ហ្គាហ្សា ក្នុងថ្ងៃទី២នៃសកម្មភាពតវ៉ាប្រឆាំងសង្រ្គាមរបស់ពួកគេជាមួយនឹងមនុស្សជាច្រើនទៀត ដោយបានស្រែកប្រឆាំងនឹងក្រុមហាម៉ាសដែរក្នុងចេតនាបង្ហាញពីកំហឹងដ៏កម្ររបស់ពួកគេជាសាធារណៈ សូមឲ្យបញ្ឈប់សកម្មភាពប្រយុទ្ធតទល់គ្នាជាមួយអ៊ីស្រាអែលទៀតទៅ ព្រោះថាអ្នកដែលរងគ្រោះពិតប្រាកដគឺជនស៊ីវិលនៅតំបន់ហ្កាហ្សានេះតែម្តង។ ការតវ៉ាផ្តោតសំខាន់លើភាគខាងជើងនៃតំបន់ ហាក់ដូចជាមានគោលបំណងជាទូទៅប្រឆាំងនឹងសង្រ្គាមដ៏រ៉ាំរ៉ៃ ដោយក្រុមអ្នកតវ៉ាបានអំពាវនាវឱ្យបញ្ចប់ការប្រយុទ្ធគ្នាយ៉ាងសាហាវដែលកើតឡើងរយៈពេល១៧ ខែមកនេះជាមួយអ៊ីស្រាអែល ដែលវាបានធ្វើឱ្យជីវិតមនុស្សនៅក្នុងតំបន់ហ្គាហ្សាមិនអាចងើបឡើងវិញ និងរងទុក្ខវេទនាខ្លាំងណាស់។ ប៉ុន្តែការអំពាវនាវជាសាធារណៈប្រឆាំងនឹងក្រុមហាម៉ាសនេះ ក៏ត្រូវបានគាបសង្កត់ដោយការប្រឆាំងអស់រយៈពេលជាយូរមកហើយដែរ ហើយនៅតែគ្រប់គ្រងទឹកដីបានជាច្រើនខែទៅក្នុងសង្រ្គាមជាមួយអ៊ីស្រាអែល គឺកម្រមានណាស់។ នៅក្នុងទីក្រុង Beit Lahiya ដែលជាកន្លែងការតវ៉ាស្រដៀងគ្នានេះបានកើតឡើងដែរកាលពីថ្ងៃអង្គារ ដែលមានមនុស្សប្រហែលជា៣០០០នាក់បានធ្វើបាតុកម្មដោយស្រែកឃ្លាជាច្រើនថា “ប្រជាជនចង់ឱ្យក្រុមហាម៉ាសដួលរលំ” ជាដើម។ ការពិតទៅសង្រ្គាមបានបង្កឡើងដោយក្រុមហាម៉ាសកាលពីថ្ងៃទី៧ ខែតុលា ឆ្នាំ ២០២៣ ដោយពួកគេបានវាយប្រហារចូលទឹកដីអ៊ីស្រាអែល ដែលក្នុងនោះពួកសកម្មប្រយុទ្ធប៉ាឡេស្ទីនដែលចូលដៃជើងបានសម្លាប់មនុស្សប្រហែល ជា ១២០០នាក់ ភាគច្រើនជាជនស៊ីវិល និង ២៥១នាក់ត្រូវបានពួកគេចាប់ពង្រត់ដែរ។ ការវាយលុកសងសឹករបស់អ៊ីស្រាអែលបកមកវិញបានសម្លាប់មនុស្សលើសទ្វេដើមគឺជាង ៥ម៉ឺននាក់ នេះបើយោងតាមក្រសួងសុខាភិបាលក្នុងតំបន់ហ្គាហ្សា ដោយមិនបានបញ្ជាក់ពីចំនួនជនស៊ីវិលប៉ុន្មាននោះទេ។ ហេតុការណ៍ទម្លាក់គ្រាប់បែក និងប្រតិបត្តិការកងទ័ពជើងគោករបស់អ៊ីស្រាអែលជាបន្តបន្ទាប់បានបណ្តាលឱ្យតំបន់នេះខ្ទេចខ្ទំ បំផ្លិចបំផ្លាញយ៉ាងធំធេង ហើយប្រជាជននៅទីនេះបានភៀសខ្លួន និង ផ្លាស់ទីលំនៅប្រហែលជា៩០% នៃប្រជាជននៅតំបន់ហ្គាហ្សា។ ទោះបីជាក្រុមហាម៉ាស់ទទួលបានជ័យជម្នះភ្លូកទឹកភ្លូកដីនៅក្នុងការបោះឆ្នោតរបស់ប៉ាឡេស្ទីនចុងក្រោយនេះមែនកាលពីឆ្នាំ ២០០៦នេះមែន ប៉ុន្តែការដណ្តើមអំណាចនៅហ្គាហ្សាពីអាជ្ញាធរប៉ាឡេស្ទីនដែលគាំទ្រដោយក្រុមលោកខាងលិច គឺនៅតែចលនានៃសម្ព័ន្ធរបស់លោក Fatah ដដែលនៅឆ្នាំបន្ទាប់ ដែលវាបានបង្ករជាភាពចលាចលមួយផ្នែកទៀតរបស់ក្រុមបក្សពួកនេះជាច្រើនខែ និងការប្រយុទ្ធគ្នាតាមដងផ្លូវដ៏ធ្ងន់ធ្ងរជាង១សប្តាហ៍។ កន្លងទៅក្រុមអ្នកសិទ្ធិមនុស្សបាននិយាយថាទាំងអាជ្ញាធរប៉ាឡេស្ទីន និងក្រុមហាម៉ាស់ បានបង្រ្កាបការប្រឆាំងដោយហិង្សាក្នុងតំបន់ និងបានរារាំងការតវ៉ានានានៅក្នុងតំបន់ដែលពួកគេគ្រប់គ្រង និងចាប់ខ្លួនអ្នកតវ៉ាយកទៅឃុំឃាំងដែរ ព្រមតាំងបានធ្វើទារុណកម្មចំពោះអ្នករិះគន់ការគ្រប់គ្រងរបស់ពួកគេថែមទៀតផង ដែលធ្វើឲ្យពួកគេមិនអាចទ្រាំទ្របាន៕ 

សម្រួលអត្ថបទ៖ សុផារិន្ទ