បែលហ្ស៊ិករឹតបន្តឹងច្បាប់ហាមឃាត់តាំងបង្ហាញផលិតផលបារីក្រោមទិសស្លោក៖ ចូលរួមទាំងអស់គ្នាដើម្បីអ្នកជំនាន់ក្រោយរស់នៅគ្មានផ្សែងបារីនៅឆ្នាំ២០៤០

មកដល់ពេលនេះប្រទេសបែលហ្ស៊ិកបាននឹងកំពុងអនុវត្តនូវបទប្បញ្ញត្តិថ្មីមួយដែលបានរារាំងផលិតផលបារី ឬផលិតផលថ្នាំជក់នានា ដែលធ្លាប់ដាក់តាំងលក់នៅតាមហាងទំនិញតូចធំដើម្បីលុបបំបាត់ផ្សែងពុលសម្រាប់មនុស្សជំនាន់ក្រោយរបស់ពួកគេ

ការហាមប្រាមតាំងបង្ហាញផលិតផលបារីគ្រប់ប្រភេទនៅប្រទេសនេះធ្វើឡើងក្នុងគោលបំណងកំណត់រូបភាពបារីសម្រាប់យុវវ័យ និងទប់ស្កាត់ផលិតផលញៀនផ្សេងៗទៀត ដោយសង្ឃឹមថានឹងមានមនុស្សតិចតួចបំផុតដែលមិនអាចមើលឃើញវា និងតិចតួចបំផុតដែលស្មគ្រ័ចិត្តទិញវាក្នុងស្ថានភាពដ៏អន្ទះសារបំផុតនោះ។ ផ្សារទំនើបនិងហាងទំនិញតូចធំផ្សេងទៀតដែលមានទំហំធំជាង ៤០០ ម៉ែត្រការ៉េក៏ត្រូវបានហាមឃាត់មិនឱ្យលក់បារីដែរ។ វិធានការទាំងនេះគឺជាផ្នែកមួយនៃផែនការសុខភាពសាធារណៈដើម្បីកម្ចាត់ផលិតផលថ្នាំជក់គ្រប់ប្រភេទរបស់រដ្ឋមន្ត្រីសុខាភិបាលបែលហ្ស៊ិកលោក Frank Vandenbroucke ដែលបានចាប់ផ្តើមយុទ្ធនាការនេះកាលពីថ្ងៃទី១ ខែមករាជាមួយនឹងការហាមឃាត់បារីអេឡិចត្រូនិចដែលសកម្មខ្លាំងក្នុងប្រទេសរបស់លោកដែរ។ លោក Vandenbroucke បានបដិសេធហាមប្រាមលើផលិតផលបារីដោយពន្យល់ថា “មហិច្ឆិតារបស់យើងគឺដើម្បីមនុស្សជំនាន់ក្រោយរស់នៅដោយគ្មានផ្សែងបារីនៅឆ្នាំ២០៤០” ។ លោកបានមានប្រសាសន៍ថា “ចាប់ពីពេលនេះតទៅ បារី ឬ វែបអេឡិចត្រូនិច ដែលដាក់តាំងបង្ហាញគឺខុសច្បាប់ទាំងអស់ ហើយតាមហាងទំនិញនានាគឺហាមឃាត់មិនឲ្យតាំងលក់ជាដាច់ខាត។ អ្នកអាចទិញវាបាន ប៉ុន្តែអ្នកត្រូវសួរអ្នកលក់សិន ប៉ុន្តែអ្នកលក់នឹងមិនអាចបញ្ចេញសំណេរ ឬ រូបរាងបារីបានជាដាច់ខាត ហើយអ្នកលក់ក៏មិនអាចណែនាំអ្នកពីផលិតផលបារីណាមួយឡើយ ឬសម្ភារៈថ្នាំជក់ជាដាច់ខាត។ ហាងទំនិញនីមួយៗត្រូវស្វែងរកដំណោះស្រាយលើបញ្ហានេះដោយខ្លួនឯង និង ទទួលខុសត្រូវចំពោះមុខច្បាប់ដោយខ្លួនឯងដែរ៕ 

សម្រួលអត្ថបទ៖​ សុផារិន្ទ