ប្រជាពលរដ្ឋងាយរងគ្រោះ  និងទីទ័លក្រស្រុកកំពង់សិលា ៤៩២ គ្រួសារ ទទួលអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន

ឯកឧត្តម ម៉ាង ស៊ីណេត ប្រធានស្តីទី គណៈកម្មាធិការសាខាកាកក បាទក្រហមកម្ពុជា ខេត្តព្រះសីហនុ បានអញ្ជើញសំណេះ សំណាល និងនាំយកអំណោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចែកជូនប្រជាពលរដ្ឋងាយរងគ្រោះ និងទីទ័លក្រចំនួន ៤៩២គ្រួសារ នៅ ស្រុកកំពង់សិលា នៅក្នុងបរិវេណវត្តកំពង់សិលា ឃុំកំពង់សិលា ស្រុកកំពង់សិលា ខេត្តព្រះសីហនុនៅ ព្រឹកថ្ងៃអាទិត្យ ថ្ងៃទី០១ ខែកញ្ញា ឆ្នាំ២០២៤ ដោយមានការចូលរួមពីអ្នកតំណាងរាស្ត្រមណ្ឌលខេត្តព្រះសីហនុ លោកអភិបាលរងខេត្ត លោកឧកញ៉ា អាជ្ញាធរដែនដី មន្ត្រីសាខា អនុសាខា អ្នកស្មគ្រចិត្តសាខាកាកបាទក្រហមកម្ពុជា ខេត្តព្រះសីហនុ។

លោក ឆាយ សុគន្ធដា ប្រធានអនុសាខាកាកបាទក្រហមកម្ពុជា ស្រុកកំពង់សីលា បានធ្វើរបាយការ ស្តីពីប្រជាពលរដ្ឋងាយរងគ្រោះ និងទីទ័លក្រមកពីឃុំចំនួន៤ ស្មើនឹងចំនួន ៤៩២គ្រួសារ ក្នុងនោះ ឃុំអូរបាក់រទេះចំនួន ២១០គ្រួសារ ឃុំកំពង់សិលា ១២៩ចំនួន គ្រួសារ ឃុំចំកាលួងចំនួន ១០៥គ្រួសារ និងឃុំឆាយចំនួន ៤៨គ្រួសារ។

ឯកឧត្តម ម៉ាង ស៊ីណេត ប្រធាន ស្តីទីគណៈកម្មាធិការសាខាកាក បាទក្រហមកម្ពុជា ខេត្តព្រះសីហនុ បានធ្វើការសំណេះសំណាល ព្រមទាំងបានពាំនាំការផ្តាំផ្ញើសួរសុខទុក និងសេចក្តីនឹករលឹកពីសម្តេចអគ្គមហា សេនាបតីតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាក បាទក្រហមកម្ពុជា សម្តេចកិត្តិព្រឹទ្ធបណ្ឌិត ជានិចកាលតែងតែយកចិត្តទុកដាក់គិតគូរអំពី សុខទុក្ខរបស់បង ប្អូនប្រជាពលរដ្ឋនៅទូទាំងប្រទេស ពិសេសក្នុងក្របខណ្ឌខេត្តព្រះសីហនុ សម្តេចបានណែនាំអោយសាខាយក ចិត្តទុកដាក់អំពីសុខទុក និងការលំបាករបស់ប្រជាពលរដ្ឋនៅក្នុងមូលដ្ឋាន។