ប្រតិភូក្រុមហ៊ុន Galaxy Navatra Group ចូលរួមគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ប្រតិភូក្រុមហ៊ុន Galaxy Navatra Group ដឹកនាំដោយ អ្នកឧកញ៉ា ឡេង ណាវ៉ាត់ត្រា នាថ្ងៃទី២៩ ខែមីនា ឆ្នាំ២០២៥ បានចូលរួមគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន រដ្ឋលេខាធិការក្រសួងសាធារណការ និងដឹកជញ្ជូន បងប្រុសច្បងរបស់ សម្តេអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ដែលបានធ្វើមរណកាលនាថ្ងៃសុក្រ ទី២៨ ខែមីនា ឆ្នាំ២០២៥ វេលាម៉ោង ២:២៧ នាទីទៀបភ្លឺ ក្នុងជន្មាយុ៧៨ឆ្នាំ ដោយរោគាពាធ។

ប្រតិភូក្រុមហ៊ុន Galaxy Navatra Group បានលំឱនកាយចិត្តគោរពវិញាណក្ខន្ធ និងចាត់ទុកមរណភាពរបស់ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ប៊ុន សាន គឺជាការបាត់បង់ដ៏ធំធេងនូវបងប្រុសបង្កើត ឪពុកបង្កើត ឪពុកក្មេក ជីតា ជីតាទួត និងញាតិមិត្តដ៏ឧត្ដុង្គឧត្តម ប្រកបទៅដោយព្រហ្មវិហារធម៌ ការសណ្តោសប្រោសប្រណី និងជាការបាត់បង់នូវ ឥស្សរជនជាន់ខ្ពស់ដ៏ឆ្នើមមួយរូប ប្រកបដោយគតិបណ្ឌិតឈ្លាសវៃ និងបទពិសោធន៍ដ៏ប៉ិនប្រសប់ ដែលបានរួមចំណែកយ៉ាងសកម្ម ក្នុងដំណើរការស្ដា កសាង និងអភិវឌ្ឍប្រទេសជាតិ គូរជាទីគោរពដ៏ខ្ពង់ខ្ពស់។

ក្នុងវេលាដ៏សែនសោកសង្រែងនេះ, ប្រតិភូក្រុមហ៊ុន Galaxy Navatra Group បានសម្ដែងនូវការគោរពអនុញ្ញាតចូលរូម រំលែកទុក្ខ ប្រកបដោយសេចក្តីក្តុកក្តួលជាទីបំផុតគោរពជូនចំពោះ សម្តេចតេជោ និងសម្តេចកិតិ្តព្រឹទ្ធបណ្ឌិត ព្រមទាំងក្រុម គ្រួសារជាទីគោរពដ៏ខ្ពង់ខ្ពស់បំផុត ព្រមទាំងបានវន្ទាឧទ្ទិសបួងសួងដល់ដួងវិញ្ញាណក្ខន្ធរបស់ ឯកឧត្តមអ្នកឧកញ៉ា ឧត្តមមតី វិសិដ្ឋ ហ៊ុន សាន សូមបានចាប់បដិសន្ធិក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕