ប្រតិភូសារព័ត៌មានកម្ពុជាថ្មី ចូលរួមគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន

នាសៀលថ្ងៃទី៣១ មីនា ឆ្នាំ២០២៥, គណៈប្រតិភូតំណាងរាស្ត្រមណ្ឌលខេត្តកណ្ដាល បានចូលរួមគោរពវិញ្ញាណក្ខន្ធសពឯកត្តម អ្នកអ្នកញ៉ាឧត្តមមេត្រីវិសិដ្ឋហ៊ុនសាន ដែលកំពុងតម្កល់ធ្វើបុណ្យតាមប្រពៃណីជាតិ និងសាសនា។

ក្នុងវេលាដ៏ក្រៀមក្រំនេះ, ប្រតិភូសារព័ត៌មានកម្ពុជាថ្មី ដឹកនាំដោយ លោក មៃ សុខលីម ជានិពន្ធនាយក បានចូលរួមរំលែកនូវមរណទុក្ខដ៏មហាក្រៀមក្រំនេះ ដោយសោកសង្វេគស្ទើររកទីបំផុតគ្មាន ព្រោះថា មរណភាពរបស់ ឯកឧត្តមអ្នកឧកញ៉ា ឧត្ដមមេត្រីវិសិដ្ឋ គឺជាការបាត់បង់បងប្រុសបង្កើត ឪពុកបង្កើត ឪពុកក្មេក ជីតា និងជាជីតាទួត ជាទីគោរពស្រលាញ់ដ៏ជ្រាលជ្រៅ និងប្រកបដោយព្រហ្មវិហារធម៌ល្អប្រពៃ ដែលកន្លងមក ឯកឧត្តមអ្នកឧកញ៉ា ឧត្តមមេត្រីវិសិដ្ឋ ជាកុលបុត្រកម្ពុជា ដ៏ឆ្នើមដែលបានបំពេញបេសកកម្មដ៏ឧត្ដុង្គឧត្តមប្រកបដោយមនសិការជាតិ និងគតិបណ្ឌិតឈ្លាសវៃជាមួយនឹងបទ ពិសោធដ៏ប៉ិនប្រសប់ក្នុងការរួមចំណែកយ៉ាងសកម្មក្នុងដំណើរការស្ថាបនា ស្តារ និងអភិវឌ្ឍប្រទេសជាតិឱ្យបានរីកចម្រើន និងសម្បូរ សប្បាយជានិច្ចនិរន្តរ៍តរៀងទៅ។

ក្នុងវេលាខ្សឹកខ្សួលក្តុកក្តួលរំជួលចិត្ត សោកសង្រេងនេះ ប្រតិភូសារព័ត៌មានកម្ពុជាថ្មី បានលើកហត្ថប្រណម្យរលឹកដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិក្នុងលោក និងតេជៈបារមីនៃព្រះពុទ្ធ ព្រះធម៌ ព្រះសង្ឃ សូមព្រះអង្គជួយប្រោះព្រំប្រទាន សព្ទសាធុការពរជ័យ ដល់ដួងវិញ្ញាណក្ខន្ធ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន សូមបានចាប់បដិសន្ធិក្នុងសុគតិភព គ្រប់ៗជាតិ កុំបីឃ្លៀងឃ្លាតឡើយ៕