យុវជនស្ម័គ្រចិត្តនៃព្រឹត្តិការណ៍សាទរកម្ពុជា កំពុងសមហែរក្បួនគោមយក្សទាំង ៦ ដេីម្បីឆ្ពោះទៅកាន់ការសម្តែងនៅក្នុងព្រឹត្តិការសាទរកម្ពុជាដែលប្រព្រឹត្តិទៅនៅថ្ងៃទី៣១ ខែធ្នូ ឆ្នាំ២០២៤

យុវជនស្ម័គ្រចិត្តនៃព្រឹត្តិការណ៍សាទរកម្ពុជា កំពុងសមហែរក្បួនគោមយក្សទាំង ៦ ដេីម្បីឆ្ពោះទៅកាន់ការសម្តែងនៅក្នុងព្រឹត្តិការសាទរកម្ពុជាដែលប្រព្រឹត្តិទៅនៅថ្ងៃទី៣១ ខែធ្នូ ឆ្នាំ២០២៤ 

————————————– 

នាល្ងាចថ្ងៃទី២៤ ខែធ្នូ ឆ្នាំ២០២៤ យុវជនស្ម័គ្រចិត្តនៃព្រឹត្តិការណ៍សាទរកម្ពុជា កំពុងសមហែរក្បួនគោមយក្សទាំង ៦ នៅវាលមេរុ ដេីម្បីឆ្ពោះទៅកាន់ការសម្តែងនៅក្នុងព្រឹត្តិការសាទរកម្ពុជាដែលប្រព្រឹត្តិទៅនៅថ្ងៃទី៣១ ខែធ្នូ ឆ្នាំ២០២៤។ 

«ព្រឹត្តិការណ៍សាទរកម្ពុជា» នឹងរៀបចំជាលើកដំបូងដោយសហភាពសហព័ន្ធយុវជនកម្ពុជា នារាត្រីឆ្លងឆ្នាំសកល ថ្ងៃទី៣១ ខែធ្នូ ឆ្នាំ២០២៤ ឆ្លងចូលឆ្នាំ២០២៥។ ព្រឹត្តិការណ៍នេះនឹងមានក្បួនដង្ហែបែបវប្បធម៌ប្រពៃណី តន្រ្តីប្រជាប្រិយ ក្បួនដង្ហែសាទរកម្ពុជា រួមទាំងកម្មវិធីកម្សាន្តចម្រុះជាច្រើនទៀត អមជាមួយ ទីងមោង គោមយក្សដ៏ធំ ពោងយក្ស និង ទស្សនីយភាពជាច្រើន។ ព្រឹត្តិការណ៍នេះនឹងរៀបចំឡើងនៅបរិវេណសួរច្បារមុខព្រះបរមរាជវាំង រាជធានីភ្នំពេញ។ «សាទរកម្ពុជា» ត្រូវបានផ្តួចផ្តើមឡើងក្នុងគោលបំណងផ្សារភ្ជាប់ប្រជាជនទៅសង្គមជាតិទាំងមូល ដែលក្នុងនោះតាមរយៈការរៀបចំព្រឹត្តិការណ៍ និងកម្មវិធីនានា ហើយជាការបង្ហាញក្នុងនាមជាប្រជាជាតិមានអាយុកាលដ៏យូរលង់ នៅថ្ងៃនេះកម្ពុជាកំពុងឈរដោយមោទនភាព ពោរពេញដោយក្តីសង្ឃឹម និងមានភាពជឿជាក់រួមគ្នាឆ្ពោះទៅកាន់អនាគតដ៏រុងរឿងរបស់ជាតិយើង ។