លោក Donald Trump ចុះហត្ថលេខាលើបទបញ្ជាប្រតិបត្តិលុបបំបាត់ក្រសួងអប់រំអាម៉េរិកចេញ ដោយអះអាងថាក្រសួងនេះធ្វើការខ្ជះខ្ជាយ និង សាបព្រួសគំនិតបំពុលសង្គមច្រើនពេក

លោកប្រធានាធិបតីសហរដ្ឋអាម៉េរិក Donald Trump បានចុះហត្ថលេខាលើបទបញ្ជាប្រតិបត្តិមួយ កាលពីថ្ងៃព្រហស្បតិ៍នេះ ម៉ោងនៅអាម៉េរិក ដោយអំពាវនាវឱ្យមានរុះរើក្រសួងអប់រំរបស់សហរដ្ឋអាមេរិកចេញ និងជំរុញឲ្យមានកិច្ចសន្យាលើយុទ្ធនាការមួយដើម្បីបំបែកទីភ្នាក់ងារមួយដែលជាគោលដៅដ៏យូរអង្វែងរបស់អ្នកអភិរក្សនិយមអណត្តិមុនដែរ។ លោក Trump បានសើចចំអកទៅកាន់ក្រសួងអប់រំថាធ្វើការខ្ជះខ្ជាយ និងសាបព្រួសគំនិតបំពុលសង្គមដោយមនោគមវិជ្ជាសេរីជ្រុលពេក។ ទោះជាយ៉ាងណាក៏ដោយ ការបញ្ចប់និងរុះរើក្រសួងនេះទំនងជាមិនអាចទៅរួចទេ បើគ្មានការយល់ព្រមពីសភាអាម៉េរិក ដែលបានចូលរួមបង្កើតក្រសួងអប់រំនេះក្នុងឆ្នាំ១៩៧៩ស។ គណបក្សសាធារណរដ្ឋបាននិយាយថាពួកគេនឹងណែនាំនូវទោសទណ្ឌ មួយចំនួនដើម្បីឈានទៅសម្រេចបានបិទក្រសួងនេះ។ ទោះជាយ៉ាងណាក៏ដោយក្រសួងអប់រំមិនបានកំណត់ពេលវេលាបិទទាំងស្រុងនោះទេ។ ចំណែកសេតវិមានវិញបាននិយាយថាក្រសួងអប់រំនឹងរក្សាមុខងារសំខាន់ៗមួយចំនួនដល់រដ្ឋការលោក Trump ដែរ។ លោក Trump បាននិយាយថារដ្ឋាភិបាលរបស់លោកនឹងបិទក្រសួងនេះដែលមានផ្នែកលើសពីតម្រូវការស្នូលរបស់ខ្លួន ដោយរក្សាការទទួលខុសត្រូវរបស់ខ្លួនលើមូលនិធិតែប្រភេទ Title I សម្រាប់សាលារៀនដែលមានប្រាក់ចំណូលទាប ជំនួយដោយ Pell វិញលើមូលនិធិប្រាក់សម្រាប់កុមារពិការ។ សេតវិមានបាននិយាយមុននេះទៀតថាខ្លួនក៏នឹងបន្តគ្រប់គ្រងប្រាក់កម្ចីរបស់និស្សិតសហព័ន្ធផងដែរ។ លោកប្រធានាធិបតីអាម៉េរិកបានស្តីបន្ទោសក្រសួងអប់រំចំពោះលទ្ធផលសិក្សានៅអាមេរិកដែលមានភាពយឺតយ៉ាវ ហើយលោកបាននិយាយថា រដ្ឋនឹងធ្វើការងារឲ្យកាន់តែប្រសើរជាងមុន។ លោក Trump បាននិយាយបែបនេះពីសេតវិមាន East Room ដោយលោកសង្កត់ធ្ងន់ថា “យើងនឹងត្រលប់មកវិញនូវការអប់រំយ៉ាងសាមញ្ញត្រលប់សម្រាប់ជាកម្មសិទ្ធិរបស់រដ្ឋ។ ហើយនេះគឺជារឿងដ៏ចាំបាច់ដែលត្រូវតែធ្វើ ប៉ុន្តែអ្វីដែលសំខាន់ជាងនេះទៅទៀត គឺយើងត្រូវធ្វើវាឲ្យបានលឿនដែរ។ ប៉ុន្តែមានអ្នកវិភាគលើកឡើងថារដ្ឋាភិបាលសាធារណៈរដ្ឋរបស់លោក Trump បាននឹងកំពុងបំផ្លាញវិស័យអប់រំទៅវិញទេ។ ក្រុមអ្នកតស៊ូមតិសម្រាប់សាលារដ្ឋបាននិយាយថាការលុបបំបាត់ក្រសួងអប់រំនេះនឹងធ្វើឱ្យកុមារៗនៅក្រៅប្រព័ន្ធអប់រំរបស់អាមេរិកនឹងមានមូលដ្ឋានគ្រឹះសិក្សាផ្សេងៗគ្នា។ ចំណែកខាងគណបក្សប្រជាធិបតេយ្យវិញបាននិយាយថា បទបញ្ជានេះនឹងត្រូវវាយបកវិញនៅក្នុងតុលាការ និងពីក្នុងសភា ហើយពួកគេបាននឹងជំរុញឱ្យគណបក្សសាធារណរដ្ឋដែលជាបក្សកាន់អំណាចចូលប្រជុំជាមួយពួកគេដើម្បីបោះឆ្នោតប្រឆាំងដែរ។ ក្រសួងអប់រំអាម៉េរិកបានផ្ញើប្រាក់រាប់ពាន់លានដុល្លារក្នុងមួយឆ្នាំៗទៅតាមសាលារៀន និងមានប្រាក់ត្រួតពិនិត្យចំនួន១.៦ ទ្រីលានដុល្លារចូលនៅក្នុងប្រាក់កម្ចីសម្រាប់សិស្សសហព័ន្ធផងដែរ៕ 

សម្រួលអត្ថបទ៖​សុផារិន្ទ