លោក Donald Trump តែងតាំងពិធីករទូរទស្សន៍ Fox News មានវ័យ៤៤ឆ្នាំម្នាក់ជារដ្ឋមន្ត្រីការពារជាតិសហរដ្ឋអាមេរិក 

ប្រធានាធិបតីជាប់ឆ្នោតថ្មីលោក Donald Trump បាននិយាយកាលពីថ្ងៃអង្គារថាលោកកំពុងតែងតាំងពិធីករ Fox News ម្នាក់ និងជាអតីតនាយទាហានម្នាក់ឈ្មោះ Pete Hegseth ធ្វើជារដ្ឋមន្ត្រីការពារជាតិរបស់លោក។ លោក Hegseth ធ្លាប់បានបំពេញបេសកកម្មដាក់ពង្រាយទៅកាន់ប្រទេសអ៊ីរ៉ាក់ និងអាហ្វហ្គានីស្ថាន ហើយមិនបានជោគជ័យក្នុងការឈរឈ្មោះក្នុងសភាសម្រាប់រដ្ឋ Minnesota ក្នុងឆ្នាំ ២០១២ និងមុនពេលលោកបានចូលរួមជាមួយកម្មវិធីរបស់ទូរទស្សន៍ Fox News ។ លោក Trump បាននិយាយនៅក្នុងសេចក្តីថ្លែងការណ៍មួយថា “ដោយមើលឃើញថាលោក Pete ជាអ្នកកាន់តំណែងដ៏ល្អនេះដូច្នេះសត្រូវរបស់អាមេរិកត្រូវបានកត់គេសម្គាល់ និងយល់ថាយោធារបស់យើងពិតជាអស្ចារ្យជាថ្មីម្តងទៀត ហើយអាមេរិកនឹងមិនដកថយឡើយ” ។ “គ្មាននរណាម្នាក់តស៊ូខ្លាំងជាងសម្រាប់កងទ័ពរបស់យើងទេ ហើយលោក Pete នឹងក្លាយជាម្ចាស់ជើងឯកដ៏ក្លាហាន និងស្នេហាជាតិនៃគោលនយោបាយសម្រាប់”សន្តិភាពតាមរយៈកម្លាំង” របស់បោះឆ្នោតរបស់ពួកយើង។ ប្រធានាធិបតីជាប់ឆ្នោតរបស់សហរដ្ឋអាមេរិក លោក Donald Trump បាននិយាយទៀតថា លោកបានសម្រេចជ្រើសរើសលោក Pete Hegseth ព្រោះតែលោកគឺជាជើងចាស់ដែលបានសម្តែងការមិនពេញចិត្តចំពោះគោលនយោបាយដែលគេហៅថា “ភ្ញាក់ឡើង” ឬ “woke” របស់មេដឹកនាំនៃមន្ទីរប៉ង់តាហ្គោន រួមទាំងមន្រ្តីយោធាកំពូលរបស់ខ្លួនដែរ ជាហេតុធ្វើឲ្យលោក Trump ពេញចិត្តខ្លាំង។ សូមបញ្ជាក់ថា លោក Peter Brian Hegseth គឺជាពិធីករទូរទស្សន៍ជនជាតិអាមេរិកាំងម្នាក់ ជាអ្នកនិពន្ធ កើតនៅថ្ងៃទី ០៦ ខែមិថុនា ឆ្នាំ១៩៨០ បច្ចុប្បន្នមានអាយុ ៤៤ឆ្នាំ រដ្ឋកំណើត Minnesota , ភរិយាឈ្មោះ Jennifer Rauchet មានកូន២នាក់៕ 

សម្រួលអត្ថបទ៖ សុផារិន្ទ