លោក Joe Biden ថា៖ លោកស្រី Kamala Harris នឹងក្លាយជាប្រធានាធិបតីដ៏អស្ចារ្យនាអនាគត! ហើយលោក Trump នឹងចាញ់គេតែម្នាក់ឯង មិនមែនសហរដ្ឋអាមេរិកចាញ់ទេ!

ប្រធានាធិបតី Joe Biden បានបង្កើតកម្មវិធីជួបជុំមួយសម្រាប់លោកស្រី Kamala Harris កាលពីថ្ងៃអង្គារនេះ ម៉ោងនៅអាម៉េរិក ដោយប្រកាសថាលោកស្រី Harris គឺជាប្រធានាធិបតីដ៏អស្ចារ្យនាពេលអនាគតរបស់អាម៉េរិក។
លោកបានបញ្ជាក់បែបនេះនៅពេលដែលរូបលោកលោកយល់ថាវាដល់ពេលហើយដែលលោកត្រូវផ្តល់ភ្លើងបៃតងឲ្យទៅដល់អ្នកជំនាន់ក្រោយ ហើយលោកស្រី Kamala Harris គឺជាជម្រើសដ៏ច្បាស់លាស់របស់លោកសម្រាប់ការស្នងតំណែងប្រធានាធិបតី។ នៅពេលស្ថិតនៅក្នុងពិធីជួបជុំនោះដែរ លោក Biden បានរិះគន់យ៉ាងចាស់ដៃទៅកាន់លោក Trump ថាជាមនុស្សចាស់មិនចេះគិតវែងឆ្ងាយ ដោយលោកនិយាយថាវាពិតជារឿងដែលធ្វើលោកខឹងខ្លាំងណាស់ នៅពេលដែល Trump អះអាងថាអាមេរិកនឹងក្លាយជាប្រទេសបរាជ័យ ដោយសំដៅថាប្រសិនបើលោកស្រី Harris ឈ្នះឆ្នោត។

លោក Biden បញ្ជាក់ថា៖ ខ្ញុំហ៊ាននិយាយថាអាមេរិកនឹងឈ្នះ ហើយយើងគឺជាប្រទេសដែលមានឥទ្ធិពលបំផុតនៅក្នុងពិភពលោក ជាប្រទេសដែលគួរឱ្យគោរពបំផុតនៅក្នុងពិភពលោក ប្រសិនបើអ្នកស្នងតំណែងខ្ញុំជាប់ឆ្នោត។ ហើយគ្រប់ប្រទេសផ្សេងទៀតក្នុងពិភពលោកគឺគិតដូចពួកយើងដូច្នោះដែរ គឺលោក Trump ខ្លួនឯងទេគឺជាអ្នកចាញ់ ហើយបុគ្គលដែលជាអ្នកចាញ់តែម្នាក់គត់ដែលខ្ញុំដឹង គឺលោក Donald Trump នេះឯង មិនមែនសហរដ្ឋអាមេរិកនោះទេ៕

សម្រួលអត្ថបទ៖ សុផារិន្ទ