ក្រចេះ៖ ថ្ងៃទី២៥ ខែកញ្ញា ឆ្នាំ២០២៤ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តក្រចេះ បានធ្វើសកម្មភាពចងបដាពាក្យស្លោកប្រឆាំងគ្រឿងញៀន ដើម្បីពញ្ញាក់ស្មារតី និងដាស់តឿនក្រើនរំលឹកដល់ប្រជាពលរដ្ឋឱ្យយកចិត្តទុកដាក់ និងចូលរួមបង្ការ និងទប់ស្កាត់បញ្ហាគ្រឿងញៀន ក្នុងឱកាសបុណ្យកាន់បិណ្ឌ និងភ្ជុំបិណ្ឌនៅតាមវត្តអារាមនានានៅក្នុងខេត្តក្រចេះ។ ក្នុងពេលនោះដែរ កងកម្លាំំងយើងក៏បានចងបដាដែលមាន QR Code កម្មវិធី NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន ព្រមទាំងបានពន្យល់ពីអត្ថប្រយោជន៍របស់កម្មវិធីApp NoDrug ទៅដល់ប្រជាពលរដ្ឋទាញយកមកប្រើប្រាស់ ដើម្បីបានជាមធ្យោបាយ ក្នុងការចូលរួមនិងរាយការណ៍រាល់បទល្មើស និងបញ្ហាគ្រឿងញៀនដែលកើតមាននៅក្នុងសហគមន៍មូលដ្ឋាន។
