ឯកឧត្តមបណ្ឌិត ហង្ស សាមឿនជំរុញឲ្យអង្គការវ័តធ័រអេតកម្ពុជា (WaterAid ) ផ្តល់ការគាំទ្រជួយដល់ក្រុមងាយរងគ្រោះក្នុងហេតុការណ៍រលក      កម្តៅដែលអាចកើតឡើង ដោយផ្តោតលើសិស្សសាលា កុមារ មនុស្សចាស់ និងអ្នកធ្វើការក្នុងសេដ្ឋកិច្ចក្រៅប្រព័ន្ធ (កម្មករ និងអ្នកលក់ដូរតាមផ្លូវ)

នៅព្រឹកថ្ងៃទី២ ខែមេសា ឆ្នាំ២០២៥ ឯកឧត្តម បណ្ឌិតហង្ស សាមឿន អនុប្រធានទី២ តំណាងឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានអនុញ្ញាតអោយអង្គការវ័តធ័រអេតកម្ពុជា (WaterAid )ជួបសម្តែងការគួរសម និងពិភាក្សាការងារ នៅអាគារគ.ជ.គ.ម.ដឹកនាំដោយលោក ឆាត់ សុភាព នាយកប្រចាំកម្ពុជា។ 

ក្នុងជំនួបទ្វេរភាគីនោះ. ក្នុងគោលបំណងអង្គការវ័តធ័រអេតកម្ពុជា (WaterAid ) បានស្នើសុំមតិណែនាំ លើការងារមួយចំនួក្នុងការរៀបចំផែនការយុទ្ធសាស្រ្តនៃការឆ្លើយតបលើការងារគ្រោះមហន្តរាយ។

លោក ឆាត់ សុភាពបានជំរាបជូនថា អង្គការ WaterAid គឺជាអង្គការអន្តរជាតិផ្តោតលើការផ្តល់ជូនទឹកស្អាត និងអនាម័យ (WASH) ដល់ប្រជាជនក្រីក្រនៅតាមតំបន់ដាច់ស្រយាល។ នៅកម្ពុជា អង្គការនេះធ្វើការជាមួយដៃគូនានាដោយមានកិច្ចគាំទ្រ ស្ថាប័នជាតិនិងក្រោមដល់  មូលដ្ឋាន ដើម្បីធានាថាប្រជាជនមានសិទ្ធិប្រើប្រាស់សេវាទឹកស្អាត និងអនាម័យប្រកបដោយចរភាព។

ឯកឧត្តមបណ្ឌិត ហង្ស សាមឿនជំរុញឲ្យអង្គការ WaterAid ផ្តល់ការគាំទ្រជួយដល់ក្រុមងាយរងគ្រោះក្នុងហេតុការណ៍រលក      កម្តៅដែលអាចកើតឡើង ដោយផ្តោតលើសិស្សសាលា កុមារ មនុស្សចាស់ និងអ្នកធ្វើការក្នុងសេដ្ឋកិច្ចក្រៅប្រព័ន្ធ (កម្មករ និងអ្នកលក់ដូរតាមផ្លូវ) ។ព្រះរាជាណាចក្រកម្ពុជាកន្លងតែងតែមានភាពងាយរងគ្រោះខ្ពស់ចំពោះ ទឹកជំនន់ គ្រោះរាំងស្ងួត និងព្យុះ ដែលកាន់តែធ្ងន់ធ្ងរដោយ ការប្រែប្រួលអាកាសធាតុ។  រលកកម្តៅ ជាបញ្ហាថ្មីដែលត្រូវការអន្តរាគមន៍ទឹកស្អាត។ ការគ្រប់គ្រងហា និភ័យគ្រោះមហន្តរាយ (DRM) និង ទឹកស្អាត និងអនាម័យ (WASH) ប្រកបដោយ ប្រសិទ្ធភាពទាមទារឱ្យមានកិច្ច សហការយ៉ាងរឹងមាំរវាង រដ្ឋាភិបាល ដៃគូអភិវឌ្ឍន៍ និងវិស័យឯកជន។

ឯកឧត្តមបណ្ឌិត ហង្ស សាមឿនក្នុងនាមឯកឧត្តមកិត្តិសង្កហបណ្ឌិតគន់ គីម បានបញ្ជាក់គោតសរសើរវាយតម្លៃខ្ពស់ដល់អង្គការ WaterAid បានចាប់ផ្ដើមធ្វើការនៅកម្ពុជាចាប់ពីឆ្នាំ ២០១៧   និងបានជួយដល់ប្រជាជនក្នុងតំបន់ដាច់ស្រយាល ជាពិសេសនៅខេត្តកំពង់ធំ ព្រះវិហារ និងតាកែវ។

គណៈកម្មាធិការជាតិគ្រប់គ្រងគ្រោះមហន្តរាយជាអ្នកសម្របសម្រួលជាមួយក្រសួងស្ថាប័នពាក់ព័ន្ធនានា ទាំងជាតិដល់ថ្នាក់ក្រោមជាិតរួមនឹងសហការជាមួយដៃគូអភិវឌ្ឍដែលគម្រោងច្បាស់លាស់ផងដែរ។ជាក់ស្តែងដូចមានអង្គការវ័តធ័រអេតកម្ពុជា (WaterAid )ក្នុងគម្រោងសំខាន់ៗមានដូចជា៖

– ការសាងសង់ប្រព័ន្ធទឹកស្អាតដែលធន់នឹងអាកាសធាតុ។

– ការលើកកម្ពស់សុខភាពសាធារណៈតាមរយៈការអប់រំអំពីអនាម័យ។

សកម្មភាពសំខាន់ៗនៃ WaterAid ក្នុងប្រទេសកម្ពុជា 

1. ការពង្រឹងប្រព័ន្ធទឹកស្អាត 

– សាងសង់ប្រព័ន្ធទឹកដែលធន់នឹងផលប៉ះពាល់អាកាសធាតុ (ឧទាហរណ៍៖ អណ្ដូងទឹកដែលមានភាពធន់នឹងជំនន់)។

– លើកកម្ពស់ការប្រើប្រាស់បច្ចេកវិទ្យាដូចជា ប្រព័ន្ធប្រមូលទឹកភ្លៀង និង ប្រព័ន្ធស្រោចស្រពដោយថាមពលព្រះអាទិត្យ។

2. អនាម័យ និងសុខភាព 

– ការសាងសង់ប្រព័ន្ធអនាម័យសមរម្យ (ដូចជា បង្គន់ស្អាត និងមានភាពឯកជន)។

– ការផ្សព្វផ្សាយអំពី អនាម័យសុខភាព ដូចជាការលាងដៃដោយសាប៊ូ ដើម្បីកាត់បន្ថយជំងឺរាតត្បាត។

3. ការអប់រំ និងការចូលរួមពីសហគមន៍ 

– បណ្តុះបណ្តាលសហគមន៍អំពីការថែទាំប្រព័ន្ធទឹក និងអនាម័យ។

– លើកកម្ពស់ការចូលរួមរបស់ស្ត្រីក្នុងការសម្រេចចិត្តលើបញ្ហា WASH។

4. ភាពធន់នឹងគ្រោះមហន្តរាយ

– ធ្វើអន្តរាគមន៍នៅតំបនងាយរងគ្រោះដោយជំនន់ ឬរាំងស្ងួត។

– គាំទ្រការរៀបចំផែនការប្រតិបត្តិការសម្រាប់អាសន្ន។

ការគ្រប់គ្រងហានិភ័យគ្រោះមហន្តរាយ (DRM) និង ទឹកស្អាត និងអនាម័យ(WASH)។ បញ្ហាប្រឈមមានទឹកជំនន់ ខ្យល់ព្យុះ រន្ទះបាញ់និងគ្រោះរាំងស្ងួត។ល។ បញ្ហាបន្តបន្ទាប់ញឹកញាប់ រំខានដល់ជីវភាពរស់នៅ ការទទួលបានទឹកស្អាតសម្រាប់ប្រើប្រាស់ សម្រាប់បរិភោគ អនាម័យនៅទីទួលសុវត្ថិភាព ។