ឯកឧត្តម រដ្ឋមន្ត្រី នេត្រ ភក្ត្រា និងលោកជំទាវ រួមជាមួយមន្ត្រីរាជការនារី ក្នុងវិស័យព័ត៌មានជាង ២០០នាក់ អញ្ជើញទស្សនកិច្ចបង្គោលព្រំដែនលេខ៦៩ ច្រកទ្វារអន្តរជាតិត្រពាំងស្រែ ស្រុកស្នួល ខេត្តក្រចេះ ព្រះរាជាណាចក្រកម្ពុជា

អបអរសាទរទិវានារីអន្តរជាតិ ៨ មីនា ឆ្នាំ២០២៥ នេះ សមាគមនារីកម្ពុជាដើម្បីសន្តិភាពនិងអភិវឌ្ឍន៍សាខាក្រសួងព័ត៌មាន បានរៀបចំដំណើរទស្សនកិច្ចរយៈពេល ២ ថ្ងៃជូនមន្ត្រីរាជការនារី ក្នុងវិស័យព័ត៌មានជាង ២០០នាក់ មកកាន់ភូមិភាគឦសាន ដើម្បីស្វែងយល់ពីកិច្ចការពារបូរណភាពដែនដីនិងអធិបតេយ្យភាពរបស់កម្ពុជាដោយចាប់ផ្តើមដំណើរទស្សនកិច្ចនៅបង្គោលព្រំដែនលេខ ១២៥ ក្នុងភូមិសាស្ត្រស្រុកពញាក្រែក ខេត្តត្បូងឃ្មុំ និងបន្តមកកាន់ផ្លូវក្រវាត់ព្រំដែន ខេត្តក្រចេះ ដោយក្នុងនោះអញ្ជើញមកទស្សនកិច្ចបង្គោលព្រំដែនលេខ៦៩ ច្រកទ្វារអន្តរជាតិត្រពាំងស្រែ ស្រុកស្នួល ខេត្តក្រចេះ ព្រះរាជាណាចក្រកម្ពុជា នៅថ្ងៃទី៨ ខែមីនា ឆ្នាំ២០២៥។

ទស្សនកិច្ចទិសឦសានផ្សារភ្ជាប់បូរណភាពទឹកដី និងអធិបតេយ្យភាពជាតិ! ក្រោយធ្វើដំណើលើកំណាត់ផ្លូវជាង ២៣០ គីឡូម៉ែត្រពីរាជធានីភ្នំពេញមកកាន់ទីរួមស្រុកស្នួល, អ្នកចូលរួមក្នុងដំណើរទស្សនកិច្ចទិសឦសានបានចូលសម្រាក និងពិសាអាហារថ្ងៃត្រង់នៅវិមាន ២ធ្នូ ដែលជាទីតាំងប្រវត្តិសាស្ត្រនៃការបង្កើតរណសិរ្សសាមគ្គីសង្គ្រោះជាតិកម្ពុជា៕