ឯកឧត្តម ស៊ុមឆៃ វង្សសាវ៉ាត អតីតនាយកតដ្ឋមន្ត្រីថៃ អញ្ជើញគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ឯកឧត្តម ស៊ុមឆៃ វង្សសាវ៉ាត អតីតនាយកតដ្ឋមន្ត្រីថៃ បានអញ្ជើញគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន នាពញព្រឹកថ្ងៃទី២៩មីនា នៅទីតម្កល់សពធ្វើបុណ្យទក្ខិណានុបទានតាមប្រពៃណី នៅផ្ទះលេខ១៧ ផ្លូវ៣៣៥ ភូមិ២ សង្កាត់ បឹងកក់២ ខណ្ឌទួលគោក រាជធានីភ្នំពេញ។

ឯកឧត្តម ស៊ុមឆៃ វង្សសាវ៉ាត អតីតនាយកតដ្ឋមន្ត្រីថៃ បានបង្ហាញសេចក្តីតក់ស្លុតរន្ធត់ចិត្ត ក្ដុកក្ដួលរំជួលចិត្តឥតឧបមា ពេលដែលបានទទួលដំណឹងដ៏សែនក្រៀមក្រំ និងសោកសៅជាទីបំផុត ចំពោះការបាត់បង់ ឯកឧត្តមអ្នកឧកញ៉ា ឧត្ដមមេត្រីវិសិដ្ឋ ហ៊ុន សាន រដ្ឋលេខាធិការក្រសួងសាធារណការ និងដឹកជញ្ជូន ដែលត្រូវជាបងប្រុសបង្កើត ជាទីគោរពស្រលាញ់បំផុតរបស់ សម្តេចអគ្គមហាសេនាបតីតេជោ ហ៊ុន សែន។

ជាមួយសមានទុក្ខដ៏សែនក្រៀមក្រំនេះ ឯកឧត្តម ស៊ុមឆៃ វង្សសាវ៉ាត សូមឧទ្ទិសបួងសួងដល់វិញ្ញាណក្ខន្ធ ឯកឧត្តម អ្នកឧកញ៉ា ឧត្ដមមេត្រីវិសិដ្ឋ ហ៊ុន សាន បានទៅកាន់សុគតិភព និងឋានបរមសុខកុំបីឃ្លៀងឃ្លាតឡើយ៕