គណៈប្រតិភូគណៈកម្មាធិការជាតិអូឡាំពិកកម្ពុជាគោរពវិញ្ញាណក្ខន្ធឯកឧត្តមអ្នកញ៉ាឧត្តមមេត្រីវិសិដ្ឋ ហ៊ុន សាន

ក្នុងឱកាសចូលរួមរំលែកមរណទុក ដ៏ក្រៀមក្រំជាមួយ ក្រុមគ្រួសារ សព ឯកឧត្តម អ្នកអ្នកញ៉ាឧត្តមមេត្រីវិសិដ្ឋហ៊ុនសាន ដែលកំពុង តម្កល់ធ្វើបុណ្យ តាមប្រពៃណី នៅគេហដ្ឋាននោះ គណៈប្រតិភូ គណៈ     កម្មាធិការជាតិ អូឡាំពិកកម្ពុជា ដឹកនាំដោយ ឯកឧត្តម ថោង ខុន ប្រធានគណៈកម្មាធិការជាតិ អូឡាំពិក កម្ពុជា បានអញ្ជើញគោរពវិញ្ញាណក្ខន្ធសពឯកឧត្តមអ្នកញ៉ា ឧត្តមមេត្រី វិសិដ្ឋ ហ៊ុនសាន នៅព្រឹកថ្ងៃទី ៣០ ខែមីនាឆ្នាំ២០២៥។

ក្នុងវេលាពោរពេញដោយសមានទុក្ខ ដ៏ក្រៀមក្រំនេះ គណៈប្រតិភូ គណៈកម្មាធិការជាតិ អូឡាំពិក កម្ពុជា សូមចូលរួមសោកស្តាយស្រណោះអាឡោះអាល័យ ជាទីបំផុត ជាមួយ សម្តេចតេជោ សម្តេចកិត្តិព្រឹទ្ធបណ្ឌិតនិងក្រុមគ្រួសារ ចំពោះការបាត់បង់ ដ៏ធំធេងនូវ បងប្រុស បងថ្លៃ ឪពុក និងជីតា ជាទីគោរពស្រឡាញ់ដ៏ជ្រាលជ្រៅប្រកបដោយព្រហ្មវិហារធម៌ និងសង្គហធម៌ ដ៏ឧត្តុង្គឧត្តម ហើយក៏ជាការបាត់បង់ នូវឥស្សរជននយោបាយដ៏ឆ្នើមមួយរូបរបស់ជាតិដែលពោរពេញទៅដោយឆន្ទៈ មនសិការ និងធ្វើពលិកម្មគ្រប់បែបយ៉ាងក្នុងបុព្វហេតុ ជាតិ សាសនា ព្រះមហាក្សត្រ នៅគ្រប់កាលៈទេសៈ។

ស្ថិតក្នុងវេលាដ៏សង្វេគក្រៀមក្រំនេះ គណៈប្រតិភូ គណៈកម្មាធិការជាតិ អូឡាំពិកកម្ពុជា សូមចូលរួមរំលែកមរណទុក្ខ  ជាមួយ សម្តេចតេជោសម្តេច កិត្តិព្រឹទ្ធបណ្ឌិត និងក្រុមគ្រួសារ និងសូមឧទ្ទិសបួងសួងដល់វិញ្ញាណក្ខន្ធឯកឧត្តមអ្នកឧកញ៉ាឧត្តមមេត្រីវិសិដ្ឋ ហ៊ុន សាន សូមបានសោយសុខក្នុងសុគតិភពកុំបីឃ្លៀងឃ្លាតឡើយ។

បាន   សម្តែងសេចក្តីសោកសង្រេងស្រណោះអាឡោះអាល័យរកទីបំផុតគ្មាននិងចូលរួមរំលែកមរណទុក្ខដ៏ក្រៀមក្រំ ជាទីបំផុតនិងបានចាត់ទុក មរណភាព របស់ ឯកឧត្តម អ្នកឧកញ៉ា គឺជាការបាត់បង់ឥស្សរជនដ៏ឆ្នើមមួយរូប និងជាការ បាត់បង់នូវ បងប្រុសបង្កើត ឪពុកបង្កើត ឪពុកក្មេក ឪពុកធំ ជីតាជាទីគោរពស្រលាញ់ដ៏ជ្រាលជ្រៅ បំផុតប្រកបដោយព្រហ្មវិហារធម៌ គុណធម៌ និងទឹកចិត្តសណ្តោសប្រណី មេត្តាធម៌ ដែលក្នុងឆាកជីវិតរបស់ ឯកឧត្តម អ្នកឧកញ៉ា បានខិតខំតស៊ូពុះពារចិញ្ចឹម បីបាច់ថែរក្សា និងអប់រំទូន្មានបុត្រធីតា រហូតក្លាយ ជាធនធានមនុស្ស ដែលមានគុណតម្លៃ ក្នុងការចូលរួមចំណែកបម្រើ កសាង និងអភិវឌ្សសង្គមជាតិ។ឯកឧត្តមអ្នកឧកញ៉ាជាកុលបុត្រកម្ពុជាដ៏ឆ្នើមដែលបានបំពេញបេសកកម្មដ៏ឧត្តុង្គឧត្តមប្រកបដោយ មនសិការជាតិនិងគតិបណ្ឌិតឈ្លាសវៃ ជាមួយនឹងបទពិសោធដ៏ប៉ិនប្រសប់ ក្នុងការរួមចំណែកយ៉ាងសកម្ម ក្នុងដំណើរការស្ថាបនាស្តារ និងអភិវឌ្ឍប្រទេសជាតិ ឱ្យបានរីកចម្រើន និងបានបរិច្ចាគកម្លាំងកាយចិត្ត និងទ្រព្យធន ចូលរួមកសាងសមិទ្ធផលជាច្រើន ជូនសង្គមជាតិ។ គណប្រតិភូ គណៈកម្មាធិការជាតិរៀបចំការបោះឆ្នោត សូមបួងសួងដល់គុណបុណ្យ ព្រះរតនត្រ័យកែវទាំងបី  បារមី នៃ វត្ថុស័ក្តិសិទ្ធិក្នុងលោកសូមជួយប្រោះព្រហ្មគ្រងរក្សាដួងវិញ្ញាណក្ខន្ធ ឯកឧត្តម អ្នកឧកញ៉ាឧត្តមមេត្រី វិសិដ្ឋ ហ៊ុន សាន បានទៅកាន់ឋានបរមសុខកុំបីឃ្លៀងឃ្លាតឡើយ។