គណៈគណៈកម្មាធិការជាតិគ្រប់គ្រងគ្រោះមហន្តរាយ និងសមាគមអតីតយុទ្ធជនកម្ពុជា អញ្ជើញគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ឯកឧត្តម កិត្តិសង្គហបណ្ឌិត គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស, អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ បានដឹកនាំប្រតិភូគណៈកម្មាធិការជាតិគ្រប់គ្រងគ្រោះមហន្តរាយ និងសមាគមអតីតយុទ្ធជនកម្ពុជា អញ្ជើញចូលគោរពវិញ្ញាណក្ខន្ធសព ឯកឧត្តម អ្នកឧកញ៉ា ឧត្តមមេត្រីវិសិដ្ឋ ហ៊ុន សាន ដែលបានទទួលមរណភាពក្នុងជន្មាយុ ៧៨ឆ្នាំ ដោយរោគាពាធ។ ការគោរពវិញាណក្ខន្ធសព បានប្រព្រឹត្តទៅនាព្រឹកថ្ងៃទី២៩ មីនា នៅទីតម្កល់សពធ្វើបុណ្យទក្ខិណានុបទានតាមប្រពៃណី នៅផ្ទះលេខ១៧ ផ្លូវ៣៣៥ ភូមិ២ សង្កាត់ បឹងកក់២ ខណ្ឌទួលគោក រាជធានីភ្នំពេញ។

ក្នុងក្តីវិយោគដ៏សែនក្រៀមក្រំស្ទើរកទីបំផុតគ្មាននេះ ឯកឧត្តម កិត្តិសង្គហបណ្ឌិត គន់ គីម ក្នុងនាមថ្នាក់ដឹកនាំគណៈកម្មាធិការជាតិគ្រប់គ្រងគ្រោះមហន្តរាយ និងសមាគមអតីតយុទ្ធជនកម្ពុជា សូមចូលរួមសោកស្ដាយ ជាទីបំផុតចំពោះការបាត់បង់ ឯកឧត្តម អ្នកឧកញ៉ា ឧត្តមមេត្រីវិសិដ្ឋ ដែលជាការបាត់បង់ដ៏ធំធេងនូវ បងប្រុស ឪពុក ជីតា ជីតាទួត និងជាគ្រូបាធ្យាយគម្រូដ៏ប្រសើរមួយរូប ប្រកបដោយព្រហ្មវិហាធម៌ សង្គហធម៌ សង្គធម៌ សេចក្តីស្មោះសរ និង អធ្យាស្រ័យខ្ពស់ចំពោះក្រុមគ្រួសារដែលកន្លងមក ឯកឧត្តម អ្នកឧកញ៉ា ឧត្ដមមេត្រីវិសិដ្ឋ តែងតែចូលរួមបំពេញភារកិច្ច ការងារប្រកបដោយឆន្ទៈ និងមនសិការស្នេហាជាតិ មោះមុតក្នុងបុព្វហេតុជាតិបម្រើ ជាតិ សាសនា ព្រះមហាក្សត្រ និងបានរួម ចំណែកយ៉ាងសកម្ម ក្នុងការបណ្ដុះបណ្ដាលចែករំលែកបទពិសោធន៍ចំណេះដឹងទាំងទ្រឹស្តី និងការអនុវត្តជាក់ស្តែងដល់យុវ ជនជំនាន់ក្រោយ និងជាពិសេស់រួមចំណែកយ៉ាងសំខាន់ក្នុងបុព្វហេតុការពារ កសាង អភិវឌ្ឍន៍ប្រទេសជាតិ និងរួមសុខទុក្ខ

ជាមួយប្រជាជនកម្ពុជារហូតដល់ថ្ងៃអវសាននៃជីវិត។

ឯកឧត្តម កិត្តិសង្គហបណ្ឌិត គន់ គីម ក្នុងនាមថ្នាក់ដឹកនាំគណៈកម្មាធិការជាតិគ្រប់គ្រងគ្រោះមហន្តរាយ និងសមាគមអតីតយុទ្ធជនកម្ពុជា សូមលំឱនកាយ ឧទ្ទិសបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំង ឡាយក្នុងលោក សូមជួយទ្រទ្រង់ដល់ដួងវិញ្ញាណក្ខន្ធសព ឯកឧត្តម អ្នកឧកញ៉ា ឧត្ដមមេត្រីវិសិដ្ឋ ហ៊ុន សាន បានទៅ សោយសុខក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ៕