ប្រតិភូគណៈចលនាសាសនិកឥស្លាមរបស់គណបក្សប្រជាជនកម្ពុជា ចូលរួមគោរពវិញាណក្ខន្ធសព ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន

ប្រតិភូគណៈចលនាសាសនិកឥស្លាមរបស់គណបក្សប្រជាជនកម្ពុជា ដឹកនាំដោយ ឯកឧត្តមទេសរដ្ឋមន្ត្រី អូស្មាន ហាស្សាន់ នារសៀលថ្ងៃទី២៩ មីនានេះ, បានអញ្ជើញចូលរួមគោរពវិញាណក្ខន្ធ ឯកឧត្តមអ្នកឧកញ៉ា ឧត្តមមេត្រីវិសិដ្ឋ ហ៊ុន សាន រដ្ឋលេខាធិការ ក្រសួងសាធារណការ និងដឹកជញ្ជូន ដែលបានទទួលមរណភាព ក្នុងជន្មាយុ ៧៨ឆ្នាំ ដោយរោគាពាធ។

ជាមួយនឹងក្តីក្តុកក្តួលជាពន់ពេក នៅក្នុងកាលៈទេសៈដ៏សោកសៅនេះ ប្រតិភូគណៈចលនាសាសនិកឥស្លាមរបស់គណបក្សប្រជាជនកម្ពុជា បានចូលរួមរំលែកទុក្ខដ៏សែនក្រៀមក្រំបំផុតជាមួយ សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី នៃព្រះរាជាណាចក្រកម្ពុជា និងក្រុមគ្រួសារទាំងអស់

 ព្រមទាំងបានចាត់ទុកថា មរណភាពរបស់ ឯកឧត្តមអ្នកឧកញ៉ា ឧត្ដមមេត្រីវិសិដ្ឋ ហ៊ុន សាន គឺជាការបាត់បង់ដ៏ធំធេងនូវបង ប្រុស ឪពុក ឪពុកក្មេក និងជីតា ដែលប្រកបដោយព្រហ្មវិហារធម៌ និងជាទីគោរពស្រឡាញ់ដ៏ជ្រាលជ្រៅបំផុត របស់ក្រុមគ្រួសារ។ ឯកឧត្តមអ្នកឧកញ៉ា ឧត្ដមមេត្រីវិសិដ្ឋ ហ៊ុន សាន គឺជាកុលបុត្រខ្មែរដ៏ឆ្នើមមួយរូប ដែល មានស្មារតីស្នេហាជាតិមោះមុត បូជាកម្លាំងកាយចិត្ត ប្រាជ្ញាស្មារតី ចូលរួមចំណែកយ៉ាងសកម្មក្នុងចលនារំដោះ ជាពិពីរបបប្រល័យពូជសាសន៍ ក្នុងការកសាង និងអភិវឌ្ឍន៍មាតុភូមិកម្ពុជាឱ្យរីកចម្រើនសម្បូររុងរឿងរហូតមក ដល់ពេលបច្ចប្បន្ន។ គំរូវីរភាពដ៏ថ្លៃថ្លារបស់ ឯកឧត្តមអ្នកឧកញ៉ា ឧត្ដមមេត្រីវិសិដ្ឋ ហ៊ុន សាន នឹងត្រូវកុលបុត ខ្មែរគ្រប់ជំនាន់ចងចាំជារៀងរហូត។

ក្នុងឱកាសពោរពេញដោយសមានទុក្ខដ៏សែនក្រៀមក្រំនេះ ឯកឧត្តមទេសរដ្ឋមន្ត្រី អូស្មាន ហាស្សាន់ ក្នុងនាមប្រធានគណៈចលនាសាសនិកឥស្លាមរបស់គណបក្សប្រជាជនកម្ពុជា បានចូលរួមរំលែកទុក្ខ ដោយក្តីស្រណោះ និងអាឡោះអាល័យជាមួយ សម្តេច ឯកឧត្តម លោកជំទាវ និងក្រុមគ្រួសារ នៃសពទាំងអស់ដោយសេចក្តីសង្វេគបំផុត៕