លោក Donald Trump ជាបុរសវ័យចំណាស់និងមានសំណាង គេចផុតពីការធ្វើឃាដ២ដង ក្លាយជាប្រធានាធិបតីអាម៉េរិក២លើក និងមានភរិយា៣នាក់ ព្រមទាំងកូនប្រុសស្រី៥នាក់ 

លោក Donald Trump ត្រូវគេទទួលស្គាល់ថាជាបុរសវ័យចំណាស់ដែលសំណាងរួចផុតគ្រោះថ្នាក់បាញ់ប្រហារ២ដងអំឡុងយុទ្ធនាការបោះឆ្នោត រួចផុតរឿងក្តីឡើងតុលាការរាប់មិនអស់ និងក្លាយជាប្រធានាធិបតីជាលើកទី២ ក្នុងឆាកជីវិតរបស់លោក ដោយឆ្លងកាត់ជីវិតរៀបអាពាហ៍៣ដង មានកូន៥នាក់។ លោក Donald Trump បានជាប់ឆ្នោតជ្រើសរើសជាប្រធានាធិបតីទី៤៧ថ្មីរបស់សហរដ្ឋអាមេរិកកាលពីថ្ងៃពុធនេះ ដែលជាការវិលត្រលប់មកវិញដ៏អស្ចារ្យសម្រាប់អតីតប្រធានាធិបតីរូបដែលតែងតែបដិសេធមិនទទួលយកភាពបរាជ័យរបស់ខ្លួនកាលពី ៤ឆ្នាំមុន ដែលបង្កឱ្យមានស្ថានភាពការបះបោរនិងងើបឡើងវិញនៅមុខវិមាន Capitol របស់សហរដ្ឋអាមេរិក ហើយលោកធ្លាប់ត្រូវបានគេកាត់ទោសពីបទឧក្រិដ្ឋនានា និងបានរួចផុតពីការប៉ុនប៉ងធ្វើឃាតដល់ទៅពីរដងឯណោះ។ គ្រាន់តែដឹងថាជាប់ឆ្នោតបណ្តោះអាសន្នភ្លាមលោក Trump បានប្រាប់អ្នកគាំទ្រដ៏ច្រើនកុះករនៅក្នុងរដ្ឋផ្លរីដា ថា “នេះគឺជាចលនាដែលគ្មាននរណាម្នាក់អាចមើលដឹងពីមុនមកឡើយ ហើយលោកនិយាយដោយភាពស្មោះត្រង់ថា នេះជាចលនានយោបាយដ៏អស្ចារ្យបំផុតនិងមិនធ្លាប់មាន។  លោក Trump បានប្រាប់អ្នកគាំទ្រដែលចូលរួមអបអរសាទរជាមួយនៅរដ្ឋផ្លរីដាជានិច្ច និងសូម្បីតែនៅមុនទទួលបានជ័យជម្នះរបស់លោក ក៏លោកបានដដែលៗថាលោកនឹងឈ្នះ។ អតីតស្ត្រីទីមួយអាម៉េរិក កាលពីអំឡុងឆ្នាំ២០១៧-២០២១ លោកស្រី Melania Trump បានឈរនៅក្បែរស្វាមីបស់លោកស្រី ហើយមានវត្តមានកូនប្រុសពៅរបស់លោកដែរ ឈ្មោះ Barron Trump និង កូនប្រុសស្រីច្បងជាច្រើនទៀត Don Jr. Trump , Eric, Ivanka និង Tiffany Trump សុទ្ធតែបានចូលរួមអបអរជាមួយឪពុករបស់ពួកគេនៅលើវេទិកាដ៏ធំ។ អណ្តតិទីឆ្នាំ២០២៤របស់លោក Trump ទទួលបាន២៧៧សម្លេង ឈ្នះដាច់ពីអណ្តត្តិទី១ឆ្នាំ២០១៦ បាន២៧០សម្លេង។ សូមបញ្ជាក់ថាលោក Donald Trump ដោយឆ្លងកាត់ជីវិតរៀបអាពាហ៍៣ដង ដែលភរិយាដំបូងរបស់លោកគឺលោកស្រី Ivana Trump ដែលមានកូន៣នាក់ គឺទី១ Donald Jr. ទី២ Ivanka និងទី៣ Eric ។ អាពាហ៍ពិពាហ៍លើកទី២ជាមួយលោកស្រី Marla Maples មានកូនម្នាក់ដែលមានឈ្មោះថា Tiffany Trump និង បច្ចុប្បន្ននេះលោកបានរៀបការនិងរស់នៅជាប់ជាមួយលោកស្រី Melania Trump ជាភរិយាទី៣និងមានកូនប្រុសម្នាក់ឈ្មោះ Barron William Trump។  លោក Donald Trump កើតនៅថ្ងៃទី១៤ ខែមិថុនា ឆ្នាំ១៩៤៦ បច្ចុប្បន្នមានអាយុ៧៨ឆ្នាំនៅទីក្រុង New York ហើយបញ្ចប់ការសិក្សាពី Wharton School of Finance ក្នុងឆ្នាំ១៩៦៨ ។ លោកបានចូលរួមក្នុងអាជីវកម្មអចលនទ្រព្យរបស់ឪពុក ហើយទទួលបានកិត្តិនាមតាមរយៈគម្រោងល្បីៗដូចជា Trump Tower និងកម្មវិធីទូរទស្សន៍ផ្សេងៗ ៕ 

សម្រួលអត្ថបទ៖ សុផារិន្ទ